今日同大家分享一首歌.雖然唔係詩歌,但係係好有意思嘅一首歌.

係一套電影叫”花椒之味”嘅主題曲,係講關於同家人相處.
人與人之間彼此溝通並唔係咁容易.有時係因為自己過於執著於自己嘅觀點.有時係因為自己覺得人地唔會理解、唔會明白.有時係我地都唔想比人了解自己,怕被傷害.過於想人聽自己講,忽略對他人嘅聆聽.越親近嘅人反而越唔能夠坦誠相對.慢慢就冇左彼此坦誠嘅分享同相處.

呢排因為疫症嘅關係,有好多時間要留係屋企.發覺原來自己同屋企人都唔係好識同彼此相處.各自有各自生活,好少有交流.雖然會一齊食飯,但都唔會有好多交流.食完飯就各自走返房.有時更發生好多大大小小嘅吵鬧.
朋友你可以選擇,同事你可以選擇,唯有家人係冇得選擇.價值觀嘅唔同,生活習慣嘅唔同,政治立場嘅唔同.家人總係最難相處,但又冇辦法逃避嘅一班人.不過好多時係因為我地冇花上時間去彼此溝通了解,冇好好彼此體諒.原來比起朋友、弟兄姊妹自己更唔認識自己嘅屋企人.唔知道佢地以前生活係點,經歷過D咩.各自生活依家係點,有冇困難、煩惱.唔知道彼此對彼此嘅睇法.引致好多問題、磨擦.
唔單單指我地同屋企人.包括我地對身邊所有人.朋友、同學、甚至係教會弟兄姊妹.我地同教會弟兄姊妹相處又點呢?有冇因為認為助導、導師唔會理解而唔講?有冇因為唔想同工之間磨擦而唔講?或者大家會覺得係現代社會中,要做到人與人之間坦誠表達自己好難.但我會想呢個想法就係令世界互相唔坦誠嘅原因.總要有人成為第一個開始坦誠分享,先可以令世界其他人跟住做..
首歌又講到人同人之間嘅關係、相處嘅機會唔係必然架.好似場疫症令我地同弟兄姊妹想聚會都未必可以聚.好好珍惜每段關係同每次可以同人相處嘅機會.學習去聽,學習去分享.

耶穌嘅受死復活令人同上帝關係復和.提醒你同我都要同人關係復和.無論你同我係咪一樣同屋企人關係唔係好好,都試試係呢段時間多了解佢地,亦都試下分享你自己比佢地認識.

約翰福音13:34-35
我賜給你們一條新命令，乃是叫你們彼此相愛;我怎樣愛你們，你們也要怎樣彼此相愛。 你們若彼此相愛，眾人因此就認出你們是我的門徒了。

主內
劍峰