下面呢幅圖你見到 d 咩？無野？好，記住你依家既答案同感覺，如果你肯花 d 時間去睇完呢篇分享，可能會有另一種體會。

依家嘗試係腦海中想像一間紅色小屋……有了？應該好容易 ~ 之後我想你想像一間隱形既紅色小屋……… 你發現奇怪既現象嗎？當你就甘去想像一間紅色小屋時，你腦海自然會有好明確既畫面，然而，當叫你去想像一間隱形既紅色小屋時，你唔會直接諗到空白既隱形畫面，你仍然會想像到紅色小屋，然後你腦海先會將呢間屋消失。我地既思考就係甘神奇，原來我地諗野果陣，係唔可以諗 “無野” 出黎，大抵係因為所有思考既背後都需要有一種 “有形既意思” 去作為依靠，就正如小屋呢個 Concept 背後係有佢既意思形態，所以我地先會想像得到。如果你唔明白我上面講咩，都唔緊要，有時候我地需要時間去沉澱自己既思考，最終所領悟到既先係值得留下，從而成為我地既養分。

近日，自己因經歷一 d 事而變得非常失落同消沉，心情很差面臨崩潰。就係夜裏輾轉反側不能入睡，獨自思索，沉澱自己既過程中，我係度諗: 我地點解會有負面既思緒同情緒，我既意識又係點樣去理解自己負面既諗法同情緒，我意識呢個世界既一切經歷既同時自己感官所接收所理解既又係咪同樣真實……呢 d 既問題看似好高深好難諗，但最終我領悟到所有既問題，一切都歸於 “意思” 呢兩隻字，所有負面既諗法感受都係來自我地思考時自己所賦予既 “意思”。也許我地既思想慣性將生活上既各種事情分類，定義成快樂，不快樂，然後我地既思想就往往被自己所建構出黎既框框所限制住。如果快樂係取決於事情既結果既話，甘人生會好痛苦，因為有很多事情我地都無力控制，改變唔到，甚或有 d 野亦注定會破碎同失去。這亦是生命既本質，要明白到生命中發生既每一件事都應該有其意義，生命就有如一埸拼湊，過程中我們收集沿途的碎片，碎片或大或小，形態各異，有 d 甚至係有其棱角而尖銳刺手，但你仍然要執起佢……因為無論碎片形狀如何，最終都會拼湊出一幅有意思既畫面，而呢個畫面係你一開始唔會預想到。正如經上所記，神為愛他的人所預備的，是眼睛未曾看見，耳朵未曾聽見，人心也未曾想到的。

Life doesn’t happen to you , it happens for you. Your mind is not contained within the limits of your body, but your body is contained within the limitlessness of your mind.

我地既思想係應該無限既，所以，當我地能打破自己既有既思想限制，就係一種思想既覺醒，當我地學識抽離自己，唔再為負面既事情賦予負面意思，唔再以自己既意思去定型生活時，就會感到自由快樂得多。人生唔會一帆風順，風平浪靜的生活也許是我們的希冀，但滔滔浪濤才是人生的寫照，有千尺巨浪才能令人站得更高，看得更遠。最後我地再睇番下面呢幅圖，的確係空白，但重點係我地唔應該答睇到 d 咩，而係問自己點解一開始無留意到個框框既存在，甚至點解唔想像框框之外可以睇到 d 咩呢？就正如當你感到灰心失意同迷失時，或許對前路迷茫空白一遍，睇唔到神既介入時，會唔會係因為自己只顧住睇框框入面既畫面？The closer you look, the less you see. Sometimes nothing can be something, only if you think outside the box and free your mind.

主內
Jacky