《人生很苦 人心不苦》
最近生活令你覺得最辛苦係咩呢？我之前睇過一啲文章關於佛教既人生觀，當中提到人生中有四苦。睇完之後發現基督教看待呢啲苦既方法更勝一籌。（我抽左其中兩個苦出黎分享）

第一苦「看不透」
社會中無時無刻都發生好多令人難以理解既事情，存在好多既不公義。人與人之間既相處，亦有時令人好難觸摸，因為我地唔可以知道人地心入面諗咩。對於自己既前途，我地又唔可以一目了然。好多事情令人陷入猜測同疑惑之間，亦搵唔到答案。

第二苦「放不下」
過去自己犯左既錯或者一啲唔開心既經歷，留下深深既創傷，事情所帶動既情緒係心入面不斷循環。又或者有冇一啲事情既對錯，如果以客觀黎睇必然係自己啱，但到依家都未能為自己辯護，而耿耿於懷呢？

人生既苦係必然難以避免，有人選擇逃避，有人選擇靠自己意志捱過 。但對於基督徒黎講，我地有依靠既對象—上帝。當我地唔明白既時侯，選擇依靠上帝，我地就會透過讀經靈修祈禱（屬靈三寶），去認識上帝既真善美，了解佢既旨意，從而擴闊自己睇事物既角度。所以，屬靈三寶可以幫助大家係受苦之前（或者依家身處係痛苦之中），預備一顆喜樂而堅強既心去面對事情。願大家係呢一段不能相見既日子，抽更多時間認識&親近上帝。

最後送段經文比大家～
喜樂的心，乃是良藥，憂傷的靈，使骨枯乾。箴言17:22

主內
仕仕