大家好٩(๑❛ᴗ❛๑)۶
真係好耐無見大家 好掛住咁多位啊!!
唔知大家係疫情期間有咩做呢（其實我都幾好奇.. haha XD）

咁我就簡單同大家分享下我嘅近況先
因為我學校本身好多功課+ presents + grp projects要做 所以我嘅學業相對係好繁忙的
而自從變佐online teaching之後 我哋嘅midterm自然變佐assignments咁交
所以就等同於功課量變得更大！ಥ_ಥ

係依個咁繁忙嘅學海入邊 再加上冇得返教會或者約朋友出去玩（我覺得同鬱係屋企太耐都有關..）
我前排有一段時間變得好頹（內心有一種好強烈嘅悶悶不樂！）
心靈上好攰 覺得生活好似冇晒意義 冇一樣嘢係令自己覺得開心嘅
所以… 擺係天父嘅時間都比之前少佐

然之後
神奇嘅事出現了！

有一晚我係間房睇睇下電腦突然好似聽到有一把聲..
「玥瑩，妳靈性生命係咪差佐？係時候搵番我喇。」

然之後我就去佐聽詩歌 祈禱 靈修 睇書同做九型人格測試（依個好似唔關事

成件事令我覺得最神奇嘅係天父會係我感到頹廢嘅時候出現係我身邊 叫我相信佢 要對佢有盼望
依個經歷看似平凡但其實對我來講已經好特別！
佢令我意識到天父總會係某個時刻出現係自己嘅生命令自己覺得佢係真實的 同埋話俾我知佢一直係我身邊默默關顧住我☺❤

信仰上經歷過嘅一啲大事固然會令我哋印象深刻
但一啲看似平凡普通嘅經歷都可以彰顯到天父嘅愛

by the way 同大家分享下依排好鍾意嘅一首詩歌 佢係讚美之泉嘅「讓我得見祢的榮面」（條link擺佐係度）

大家得閒都可以聽下
旋律好聽之餘 聽完會覺得好感動
心靈好似被治癒了 嘻嘻～

最後的最後
再同大家分享一段經文
「當趁耶和華可尋找的時候尋找祂，相近的時候呼求祂。」（以賽亞書55:6）

主內
Toby 偷比熊

（張相係我學校影出去嘅外景～正值黃昏 真係好靚！）